एजेन्सी । जर्मन बुन्डेस लिगा फुटबलमा लिग लिडर बोरुसिया डर्टमण्डले सिजनको पहिलो हार व्यहोरेको छ ।
मंगलबार राति भएको खेलमा फोर्चुना डुसेलडर्फसंग २ - १ गोल अन्तरले पराजित हुँदै डर्टमण्डले सिजनको पहिलो हार व्यहोरेको हो ।
डर्टमण्डको अपराजित यात्रामा पूर्णबिराम लगाउने क्रममा फोर्चुनाका डोडी लिकेबाकिओ र जिन जिम्मेरले एक एक गोल गरे । डर्टमण्डका पाको अल्कासरले एक गोल फर्काए ।
यो हारसंगै डर्टमण्डले शीर्ष स्थानको अग्रता थप फराकिलो बनाउने मौका गुमाएको छ । शीर्ष स्थानमा रहेको डर्टमण्डले १६ खेलबाट ३९ अंक जोडेको छ ।
डर्टमण्डले पछिल्लो १५ खेलमा १२ जित र ३ बराबरी खेलेको थियो ।
