एजेन्सी । विश्वकप विजेता फ्रान्सका फरवार्ड एन्थोनी मार्सियल सन् २०२० सम्म इंग्लिश क्लब म्यानचेस्टर युनाइटेड मै रहने भएका छन् ।
म्यानचेस्टर युनाइटेडले मार्सियलको सम्झौता एक बर्ष थप्ने निर्णय गरेको छ । मार्सियल र युनाइटेडले नवीकरण सम्झौतामा हस्ताक्षर गरिसकेको अन्तर्राष्ट्रिय समचार संस्थाहरुले जनाएको छ ।
नविकरणसंगै फ्रेन्च फरवार्ड मार्सियलले सन् २०२० सम्म युनाइटेडको जर्सी लगाउने छन् । युनाइटेडले मार्सियलसंग लामो समयसम्मको लागि सम्झौता गर्न चाहेपनि एक बर्षे सम्झौता थप गर्न सफल भएको हो ।
सन् २०१५ मा युनाइटेड आएका २३ बर्षीय फरवार्ड मार्सियलको यसै सिजनको अन्तिममा सम्झौता सकिने थियो । मार्सियल मोनाकोबाट युनाइटेड आएका थिए ।
मार्सियलले यस सिजन युनाइटेडबाट १९ खेल खेल्दा ८ गोल गरिसकेका छन् ।
-1736575369.jpg)
