एजेन्सी । इंग्लिश प्रिमियर लिग फुटबलमा टोटेनहमले साँघुरो जित निकालेको छ । शनिबार राति भएको खेलमा टोटेनहमले बर्नलीलाई १ - ० गोल अन्तरले पराजित गरेको हो ।
घरेलु मैदानमा भएको खेलमा टोटेनहमका लागि क्रिस्टियन एरिक्सनले निर्णायक गोल गरे । पहिलो हाफ गोलरहित बराबरीमा सकिएको खेलको इन्जुरी समयमा एरिक्सनले गोल गर्दै टोटेनहमलाई ३ अंक दिलाए ।
ह्यारी केनले उपलब्ध गराएको पासलाई सदुपयोग गर्दै एरिक्सनले गोललाई पोष्टको जाली चुमाएका थिए ।
यो जितसंगै तेस्रो स्थानको टोटेनहमले १७ खेलबाट ३९ अंक जोडेको छ । पराजित बर्नली १७ अंक जोडेर रेलिगेसन जोनभन्दा एक स्थान माथि रहेको छ ।
प्रिमियर लिग अन्तर्गत अर्को खेलमा वुल्भ्सले बर्नेमाउथलाई २ - ० तथा वाट्फोर्डले कार्डिफ सिटीलाई ३ - २ गोल अन्तरले हराएको छ ।
यस्तै न्युकासलले हडर्सफिल्ड र क्रिष्टल प्यालेसले लेष्टर सिटीलाई समान १ - ० गोल अन्तरले हराएको छ ।
-1736575369.jpg)
