काठमाडौं । ललितपुरको 'ए' डिभिजन क्लब च्यासल युथ क्लबलाई एनपीओ र्याले वल्र्डले खेल सामाग्री सहयोग गरेको छ ।
जापानमा रहदै आएका नेपाली राष्ट्रिय टोलीका पूर्व सदस्य सन्तोष साहुखलको प्रयासमा र्याले वल्र्डले च्यासलका खेलाडीहरुलाई खेल सामाग्री सहयोग गरेको हो । सन्तोषले अहिले राजधानीमा जारी पल्सर 'ए' डिभिजन लिग च्यासलबाट खेलिरहेका छन् ।
र्याले वल्र्डले बुधबार च्यासलका खेलाडीहरुलाई खेल सामाग्री हस्तान्तरण गरेको छ । र्याले वल्र्डले च्यासलका खेलाडीहरूलाई ५० थान जर्सी, २५ जोर फुटबल जुत्ता र १० वटा बल सहयोग गरेको हो ।
च्यासलका खेलाडीका लागि खेल सामाग्री जापानको जे लिग क्लबका खेलाडी, पूर्वखेलाडी र र्याले वल्र्डका सदस्यहरूले उपलब्ध गराएका हुन् ।
-1736575369.jpg)
