एजेन्सी । जर्मन क्लब बोरुसिया डर्टमण्ड समूह विजेता बन्दै च्याम्पियन्स लिग फुटबलको नकआउट चरणमा प्रवेश गरेको छ ।
समूह चरणको अन्तिम खेलमा मंगलबार राति फ्रेन्च क्लब मोनाकोलाई २ - ० गोल अन्तरले पराजित गर्दै डर्टमण्ड समूह 'ए' को बिजेता बन्दै अन्तिम १६ मा पुगेको हो ।
मोनाकोको मैदानमा भएको खेलमा डर्टमण्डलाई जित दिलाउन दुवै गोल राफेल गुइरेइरोले गरे । जितसंगै डर्टमण्डले १३ अंक जोड्यो ।
एक खेल अगाबै नकआउट चरणमा स्थान बनाईसकेको डर्टमण्डले समूह विजेता बन्ने क्रममा एट्लेटिको मड्रिडलाई पछि पार्यो ।
स्पेनिस क्लब एट्लेटिकोले मंगलबार राति क्लब बर्गसंग गोलरहित बराबरी खेलेको थियो । क्लब बर्गसंगको बराबरीले एट्लेटिको १३ अंक जोडेपनि उपविजेता बन्यो । एट्लेटिको पनि एक खेल अगावै नकआउट चरणमा स्थान बनाई सकेको थियो ।
च्याम्पियन्स लिग अन्तर्गत नै समूह 'डी' बाट पोर्टो समूह विजेता र शाल्के उपविजेता बन्दै नकआउट चरणमा पुगेको छ ।
-1736575369.jpg)
