एजेन्सी । फ्रेन्च क्लब पेरिस सेन्ट जर्मेन (पिएसजी) च्याम्पियन्स लिग फुटबलको नकआउट चरणमा प्रवेश गरेको छ ।
समूह चरणको अन्तिम खेलमा रेड स्टार बेलग्रेडलाई ४ - १ गोल अन्तरले पराजित गर्दै पिएसजीले अन्तिम १६ को यात्रा तय गरेको हो ।
बेलग्रेडको मैदानमा पिएसजीलाई जित दिलाउन एडिन्सन काभानी, नेयमार, मार्किन्होस र केलियन एमबाप्पेले समान एक एक गोल गरे । बेलग्रेडका मार्को गोबेल्जिकले एक गोल फर्काए ।
जितसंगै पिएसजी समूह 'सी' को विजेता बन्दै नकआउट चरणमा पुगेको हो । समूह विजेता बन्ने क्रममा पिएसजीले ६ खेलबाट ११ अंक जोड्यो । यस समूहबाट ९ अंक जोडेर लिभरपुल समूह उपविजेता बन्दै दोस्रो चरणमा पुग्यो ।
यस समूहबाट तेस्रो स्थानको नापोली र बेलग्रेड समूह चरणबाट बाहिरिएको छ ।
