एजेन्सी । नजिता अनुकुल निस्किएपछि टोटेनहम हट्सपर च्याम्पियन्स लिग फुटबलको नकआउट चरणमा प्रवेश गरेको छ ।
जित्नैपर्ने खेलमा बार्सिलोनासंग १–१ गोलको बराबरी खेल्दै टोटेनहम नकआउट चरण पुग्ने भाग्यमानी टोली बन्यो । कारण, सोही समूहको बलियो प्रत्यासी ईटालियन क्लब ईन्टर मिलानले पीएसभीसंग बराबरी खैल्दै अंक बाँड्न पर्यो ।
नतिजापछि टोटेनहम प्रशिक्षक माउरिसियो पोचिटिनोले समेत माने, टिम असम्भव लक्ष्य प्राप्त गर्न सफल रह्यो ।
बराबरीपछि टोटेनहमले तालिकामा ८ अंक जोड्यो । बार्सा समूह विजेताको रुपमा यस अघिनै नकआउट चरणमा प्रवेश गरिसकेको थियो ।
खेलको ८५ औ मिनेटमा लुकास माउराले बराबरी गोल गर्दै टोटेनहमलाई अन्तिम १६ को बाटो तय गराए ।
घरेलु टोली बार्सिलोनाले ७ औ मिनेटमा उसमान डेम्बेलेको गोलमार्फत खेलमा अग्रता बनाएको थियो ।
