एजेन्सी । रियल मड्रिड स्पेनिस ला लिगा फुटबलको चौथो स्थानमा उक्लिएको छ ।
आइतबार भएको खेलमा एसडी हुएस्कालाई १ - ० गोल अन्तरले पराजित गर्दै रियल लिगको चौथो स्थानमा उक्लिएको हो ।
हुएस्काको मैदानमा रियललाई जित दिलाउन ग्यारेथ बेलले निर्णायक गोल गरे । पहिलो हाफको आठौं मिनेटमा बेलले गरेको गोल नै रियलको जितमा प्रयाप्त रह्यो ।
रेलिगेसन क्षेत्रको हुएस्काविरुद्ध बल पोजिसनमा पकड जमाएपनि रियलले थप गोल गर्न सकेन । यस्तै रियलविरुद्ध हुएस्काले पाएको मौका सदुपयोग गर्न सकेन । उसका केहि उत्कृष्ट प्रहार रियलका किपर थिबाउट कोर्टुवा बाधक बनेका थिए ।
यस जितसंगै सान्टियागो सोलारीको रियललाई उपाधि होडमा फर्कन केहि राहत मिलेको छ । यस सिजन खराब लयबाट गुज्रिरहेको रियलको यो आठौँ जित हो ।
जितसंगै चौथो स्थानमा उक्लिएको रियलले १५ खेलबाट २६ अंक जोडेको छ । जितपछि रियलले शीर्ष स्थानको बार्सिलोनासंगको अंक दुरी समेत कम गरेको छ ।
रियल शीर्ष स्थानको बार्सिलोना भन्दा ५ अंकले पछि छ । पराजित हुएस्का ७ अंक जोडेर लिगको पुछारमा छ ।
-1736559847.jpg)
