एजेन्सी । इंग्लिश प्रिमियर लिग फुटबलमा आर्सनलले साँघुरो जित निकालेको छ । शनिबार भएको खेलमा आर्सनलले हडर्सफिल्ड टाउनलाई १ - ० गोल अन्तरले पराजित गरेको हो ।
घरेलु मैदानमा आर्सनललाई झिनो अन्तरको जित दिलाउन लुकास टोरिइराले निर्णायक गोल गरे । पहिलो हाफ गोलरहित बराबरीमा सकिएको खेलको दोस्रो हाफमा एक गोल गर्दै आर्सनलले महत्वपूर्ण ३ अंक जोडेको हो ।
आर्सनलको जितमा लुकासले ८३ औं मिनेटमा ओभर हेडबाट निर्णायक गोल गरेका थिए । त्यसपछि दुवै टोलीले गोल गर्न सकेनन् र आर्सनलले साँघुरो जित निकाल्यो ।
जितसंगै आर्सनल लिगको तेस्रो स्थानमा उक्लिएको छ । आर्सनलले १६ खेलबाट ३४ अंक जोडेको छ । पराजित हडर्सफिल्ड १० अंक जोडेर रेलिगेसन क्षेत्रमा रहेको छ ।
प्रिमियर लिग अन्तर्गत अर्को खेलमा बर्नलीले ब्राइटन तथा कार्डिफ सिटीले साउथह्याम्पटनलाई समान १ - ० ले पराजित गर्यो । वेष्ट ह्यामले क्रिष्टल प्यालेसलाई ३ - २ गोल अन्तरले पराजित गर्यो ।
-1736559847.jpg)
