एजेन्सी । इंग्लिश प्रिमियर लिग फुटबलमा आज (शनिबार) आठ खेल हुदैछ । सबैको ध्यान भने म्यान्चेष्टर सिटी र चेल्सीबीचको खेलले खिचेको छ । उपाधि होडमा बलिया प्रत्यासी दुवै टोलीले स्टामफोर्ड ब्रिजमा ३ अंक बटुल्न हदै सम्मको प्रयास गर्नेछन् ।
प्रतियोगितामा अपराजित सिटी ४१ अंक सहित शीर्ष स्थानमा छ । चेल्सी ३१ अंक सहित चौथो स्थानमा छ । सिटीले कीर्तिमानी गोलकर्ता सर्जियो अग्युरोलाई आजको खेलमा गुमाउनेछ । उनी मांसपेशीमा समस्या भएपछि लण्डन क्लबविरुद्वको खेल गुमाउने भएका हुन् ।
चेल्सी प्रशिक्षक माउरिजियो सर्रीले मिडफिल्डर जोर्गिन्हो र डेबिड लुईजलाई आजको खेलमा उतार्न सक्नेछन् । आजै राति हुने अन्य खेलमा वर्नेमाउथले लिभरपुलसंग प्रतिस्पर्धा गर्नेछ ।
आर्सनलले हुडर्सफिल्डसंग आमने सामने हुदाँ वनर्ली ब्रिङ्टोनको भ्रमणमा निस्कनेछ । कार्डिफ सिटी र साउथह्याम्पटन, म्यान्चेष्टर युनाईटेड र फुल्हम, वेस्ट हम र क्रिस्टल प्यालेस तथा लेस्टर सिटी र टोट्नहमको खेल समेत आजै हुदैछ ।
-1736559847.jpg)
