काठमाडौं । पाहुना टोली अस्ट्रेलियाका लागि स्पिनर टोड मुर्फिले ५ विकेट लिए पछि अस्ट्रेलियाविरुद्धको पहिलो टेस्टको पहिलो पारीमा भारतले १ सय ४४ रनको मध्यम अग्रता बनाएको छ ।
दोस्रो दिनको खेल सकिदासम्म घरेलु टोलीले १ सय ४४ रनको अग्रता बनाएको छ । दोस्रो दिनको खेल सकिदाँ घरेलु टोलीले ७ विकेट गुमाएर ३ सय २१ रन बनाएको छ ।
भारतका रविन्द्र जडेजा ६६ रनमा तथा अक्षर पटेल ५२ रनमा अविजित रहेका छन् ।
घरेलु टोलीका लागि कप्तान रोहित शर्माले २ सय १२ बलमा १ सय २० रनको शतकीय ईनिङ खेले । रविन्द्र जडेजा ६६ रनमा अविजित रहँदा अक्षर पटेल ५२ रनमा अविजित रहेका छन् । रविचन्द्रन आश्विन २३ रनमा आउट हुँदा केएल राहुलले २० रन बनाए । यसै टेस्टमा डेब्यु गरेका सुर्यकुमार यादव र केएस भरतले समान ८/८ रन बनाए ।
दोस्रो दिनको समाप्ती सम्म पाहुना टोलीका टोड मुर्फिले ओभरमा रन दिएर विकेट लिए । उनले यसै टेस्टमा डेब्यु गरेका थिए । मुर्फिले केएल राहुल,रविचन्द्रन आश्विन,विराट कोहली,चेतेश्वर पुजारा र केएस भरतको विकेट लिए । कप्तान प्याट कमिन्स र नेथन लायनले समान १/१ विकेट लिए ।
त्यसअघि पहिलो पारीमा भारतका स्पिनर रविन्द्र जडेजाले महत्वपुर्ण ५ विकेट लिए पछि घरेलु टोलीले पहिलो टेस्टको पहिलो ईनिङमा पाहुना टोली अस्ट्रेलियालाई १ सय ७७ रनमा रोकेको थियो ।
नागपुरमा बिहिबारबाट सुरु पहिलो टेस्ट खेलको पहिलो दिन नै पाहुना टोलीले अलआउट हुँदै १ सय ७७ रन मात्र बनाउन सक्यो ।
टस जितेर पहिले ब्याटिङ गरेको पाहुना टोली पहिलो दिनको तेस्रो सेसनमा अलआउट हुनुपुर्व मात्र १ सय ७७ रन बनायो ।
पाहुना टोलीका लागि मार्नुस लाबुस्छानले ४९ रन बनाउँदा स्टिभ स्मिथले ३७ रन बनाए । एलेक्स केरी ३६ रनमा आउट हुँदा पिटर ह्यान्डसकमले ३१ रन बनाए ।
घरेलु टोलीका लागि रविन्द्र जडेजाले २२ ओभरमा ४७ रन दिएर ५ विकेट लिए । उनले मार्नुस लाबुस्छान,स्टिभ स्मिथ,म्याट रेन्शा,पिटर ह्यान्डसकम र टोड मुर्फिलाई आउट गराए ।
रविचन्द्रन आश्विनले ३ तथा मोहम्मद सामी र मोहम्मद सिराजले समान १/१ विकेट लिए ।
भारत र अस्ट्रेलियाबीच चार खेलको टेस्ट सिरिजअन्तर्गतको पहिलो खेल बिहिबारबाट सुरु भएको हो ।
