काठमाडौं । बजाज युथ एकेडेमी सप्तरीले मिथिला कप टि-ट्वान्टी प्रतियोगिताको उपाधि जितेको छ।
राजविराज बिस्नुपुर स्थित महेन्द्र विन्देश्वरी मल्टिपल कलेज टियु मैदानमा भएको फाइनलमा कलैया क्रिकेट क्लब बारालाई २२ रनले पराजित गर्दै बजाज युथले उपाधि जितेको हो ।
बजाजले दिएको १४४ रनको लक्ष्य पछ्याउने क्रममा कलैया क्रिकेट क्लबले निर्धारित २० ओभरमा ८ विकेट क्षतिमा १२१ रन मात्र बनाउन सक्यो ।
कलैयाका तृत राज दासले सर्वाधिक २८, पवन सर्राफले २३ , निरज यादवले अविजित १५ तथा रभी साहले १२ रन बनाए ।
बजाजका राष्ट्रिय क्रिकेटर समेत रहेका देब्रे हाते स्पिनर बसिर अहमदले सर्वाधिक ३ विकेट लिए। प्लेयर अफ द म्याच समेत घोषित अहमदले ४ ओभरमा २० रन खर्चिए। यस्तै बिपिन खत्रीले २ तथा नितेश यादव, सिद्धान्त लोहनी र मिकु मण्डलले १/१ विकेट लिए।
यस अघि टस हारेर ब्याटिङ गरेको बजाज युथले २० ओभरमा ८ विकेट क्षेतीमा १४३ रन बनायो । बजाज युथको लागि राज वर्माले सर्वाधिक ३९ रन योगदान दिए।
यस्तै बसिर अहमदले २३, पप्पु यादवले १८, सिद्धान्त लोहनीले १६ तथा बिपिन खत्रीले १३ रन योगदान दिए। कलैयाका बलर तृत राज दासले ३ तथा भुलावन सहानी र जितेन्द्र यादवले १/१ विकेट लिए।
उपाधिसँगै बजाजले १ लाख रुपैयाँ पुरस्कार प्राप्त गरेको छ । उपविजेता कलैयाले ५० हजार रुपैयाँ पाएको छ ।
प्रतियोगिताकै उत्कृष्ट खेलाडी सिराहा क्रिकेट क्लबका रुपेश सिंह घोषित भ ए। यस्तै उत्कृष्ट ब्याट्सम्यान एमसीटि मकवानपुरका शुभ कंसाकार, उत्कृष्ट बलर एसके स्पोर्ट्सका रासिद खान तथा उदयमान खेलाडी बजाज युथ एकेडमीका विशाल यादव घोषित भए।
