एजेन्सी । बार्सिलोनाका खेलाडी डेनिस सुआरेजले आफु क्लबमा खुसी नभएको बताएका छन् । सिजनमा थोरैमात्र खेल्न पाएका सुआरेजले बार्सिलोना बसाईमा असन्तुष्टि जनाएका हुन् ।
क्याटलान मिडफिल्डरले दुई गोल गरेपछि बार्सिलोनाले कोपा डेल रे कपमा गत बुधबार ४–१ को जित निकालेको थियो । नयाँ प्रशिक्षक इर्नेस्टो भल्भार्डेको नेतृत्वमा उनले यस सिजन मात्र तीन म्याच खेल्न पाएका छन् ।
नयाँ बर्षको सुरुवातसंगै खुल्ने सरुवा बजारमा लण्डन क्लब चेल्सी र ईटालियन क्लब नापोलीले सुआरेजमाथि आखाँ लगाईरहेका छन् ।
बार्सिलोनामा अवसर नपाएपछि सुआरेजले चाँडै नयाँ गन्तव्य रोज्ने बिषयमा मुख खोलेका हुन् ।
‘प्रशिक्षकले कोपा डेल रे अन्तर्गतको खेल नियमित खेल्न नपाएका खेलाडीका लागि परिक्षण भएको बताएका थिए । यदी म पास भएको रहेछु भने आगामी शनिबार देखिन पाउनेछु ।’ उनले भने ।
‘म खेल्नका लागि काम गरिरहेको छु । यदी मैले खेल्न पाउदिन भने म खुसी छैन ।’ उनले थपे ।
-1736559847.jpg)
