काठमाडौं । भारतीय ओपनर शुभमन गिलले पुर्व कप्तान विराट कोहलीको कीर्तिमान तोडेका छन् ।
बुधबार भएको टी-ट्वान्टी खेलमा न्युजिल्यान्डविरुद्ध सानदार शतक बनाउदै गिलले कोहलीले चार महिना अघि बनाएको कीर्तिमान तोडेका हुन् ।
बुधबारको खेलमा ओपनर गिलले ६३ बलमा १२ चौका र ७ छक्कासहित १ सय २६ रनमा अविजित रहेका थिए ।
गिलको शतकको सहयोगमा भारतले २ सय ३४ रन बनाएको थियो ।
टी-ट्वान्टी करियरमा नै पहिलो शतक बनाएका गिलले भारतका लागि टी-ट्वान्टी अन्तराष्ट्रियको एकै इनिङमा सर्वाधिक रन बनाउने ब्याटरको शीर्ष स्थानमा उक्लिएका छन् ।
गिलले उक्त कीर्तिमान पुर्व कप्तान कोहलीलाई पछि पारेर कायम गरेका हुन् ।
कोहलीले गत बर्षको सेप्टेम्बरमा यूएईमा भएको एसिया कपमा अफगानिस्तानविरुद्ध १ सय २२ रनको अविजित शतकीय इनिङ खेलेका थिए ।
