एजेन्सी । टोटेनहम इंग्लिश प्रिमियर लिग फुटबलको तेस्रो स्थानमा उक्लिएको छ । बुधबार राति भएको खेलमा साउथह्याम्पटनलाई ३ - १ गोल अन्तरले हराएर टोटेनहम शीर्ष तीनमा पुगेको हो ।
घरेलु मैदानमा भएको खेलमा टोटेनहमलाई जित दिलाउन ह्यारी केन, लुकास मौरा र सन ह्युङ मिनले एक एक गोल गरे । साउथह्याम्पटनका चार्ली अस्टिनले एक गोल फर्काए ।
साउथह्याम्पटनविरुद्ध टोटेनहमले खेलको नवौं मिनेटमा केनको गोलबाट सुरुवाती अग्रता बनाएको थियो । खेलको ५१ औं मिनेटमा मौराले गोल गर्दै टोटेनहमलाई २ - ० को अग्रता दिलाए ।
खेलको ५५ औं मिनेटमा सनले गोल गर्दा टोटेनहम ३ - ० ले अघि रह्यो । त्यसपछि खेलको इन्जुरी समयमा अस्टिनले एक गोल फर्काएपनि साउथह्याम्पटनको हार टार्न सकेनन् ।
यो जितसंगै टोटेनहमले १५ खेलबाट ३३ अंक जोडेको छ । र, चेल्सीलाई पछि पार्दै लिगको तेस्रो स्थानमा उक्लिएको छ । रेलिगेसन क्षेत्रको साउथह्याम्पटनले ९ अंक जोडेको छ ।
प्रिमियर लिग अन्तर्गत बुधबार राति भएको अन्य खेलमा एभर्टन र न्युकासल तथा फुलहम ए लेष्टर सिटीले समान १-१ गोलको बराबरी खेल्दै अंक बाडेका छन् ।
-1736559847.jpg)
