काठमाडौं । नेपाली राष्ट्रिय फुटबल टोलीका स्ट्राइकर विमल घर्ति मगर ट्रायल दिन आज (बुधबार) बेल्जियम जाँदैछन् ।
बेल्जियमका दोस्रो डिभिजन क्लबमा ट्रायल दिन विमल बुधबार त्यसतर्फ प्रस्थान गर्ने भएका हुन् । विमल अपरान्ह १२ बजे इस्तानबुल हुँदै बेल्जियम जाने कार्यकम रहेको छ ।
विमलले बेल्जियममा ट्रायल दिने क्लबको तय भने भएको छैन । विमल बेल्जियममा करिब १० हप्ता रहनेछन् ।
बेल्जियम जाने भएपछि च्यासल युथ क्लबका स्ट्राइकर विमलले राजधानीमा जारी पल्सर सहिद स्मारक 'ए' डिभिजन लिगका बाँकी खेलहरु समेत गुमाउने छन् । बेल्जियम जाने भएपछि विमलले च्यासलसंगको सम्झौता रद्द गरेका छन् ।
विमलले यसअघि पनि बेल्जियममा ट्रायल दिएका थिए । यसअघि विमलले बेल्जियमकै एन्डलेच्तमा ट्रेनिङ र ट्रायल दिएका थिए ।
त्यस्तै विमलले नेदरल्याण्डको एफसी ट्वेन्टेमा समेत ट्रायल दिएका थिए ।
-1736559847.jpg)
