एजेन्सी । जर्मन बुन्डेस लिगा फुटबलमा शीर्ष स्थानको बोरुसिया डर्टमण्डले सहज जित निकालेको छ । शनिबार भएको खेलमा डर्टमण्डले फ्राईबर्गलाई २ - ० ले हराएको हो ।
घरेलु मैदानमा डर्टमण्डलाई जित दिलाउन मार्को रिउस र पाको अल्कासेरले समान एक एक गोल गरे ।
पहिलो हाफको ४० औं मिनेटमा रिउसको पेनाल्टी गोलबाट डर्टमण्डले सुरुवाती अग्रता बनाएको थियो । त्यसपछि खेलको ९० औं मिनेटमा अल्कासेरले गोल गर्दै डर्टमण्डलाई २ - ० को जित दिलाए ।
जितसंगै डर्टमण्डले लिगमा आफ्नो अग्रता कायम राखेको छ । डर्टमण्डले १३ खेलबाट ३३ अंक जोडेको छ ।
डर्टमण्ड दोस्रो स्थानको बोरुसिया मोन्चेनग्लादवाचविरुद्ध ७ अंकको अग्रता बनाएको छ । डर्टमण्ड साविकको विजेता वायर्न म्युनिखभन्दा ९ अंकले अघि छ ।
