एजेन्सी । इंग्लिश प्रिमियर लिग फुटबलमा कार्डिफ सिटीले संघर्षपूर्ण जित निकालेको छ । शुक्रबार राति भएको खेलमा कार्डिफले वुल्भ्सलाई २ - १ ले हराएको हो ।
घरेलु मैदानमा सुरुवाती अग्रता उल्टाएर कार्डिफले जित निकालेको हो । कार्डिफको जितमा आरोन गनर्ससन र जुनियर होइलेटले एक एक गोल गरे । वुल्भ्सका म्याट डोहेर्टीले एक गोल गरे ।
वुल्भ्सविरुद्धको जितसंगै कार्डिफ सिटी रेलिगेसन जोनबाट बाहिर निस्किएको छ । लिगमा तेस्रो जित निकालेको कार्डिफले १४ खेलबाट ११ अंक जोडेको छ । र, लिगको १५ औं स्थानमा उक्लिएको छ ।
पराजित वुल्भ्स १६ अंक जोडेर ११ औं स्थानमा छ ।
