काठमाडौं । नेपाली राष्ट्रिय टिमका गोलरक्षक किरण चेम्जोङ सम्मिलित टिसी स्पोर्ट्सले माल्दिभ्सको धिवेही प्रिमियर लिगको उपाधि उचालेको छ ।
किरणको उच्च प्रर्दशनसंगै टिसीले पहिलो पटक धिवेही प्रिमियर लिगको उपाधि उचालेको हो । उपाधिसंगै किरण लिगका सर्वोकृष्ट गोलकिपर चुनिए ।
शुक्रबार भएको खेलमा न्यु रेडियन्ट र ग्रिन ब्वाईजले ४–४ गोलको बराबरी खेलेसंगै एक खेल अगावै टिसी स्पोर्टसले लिग उपाधि जितेको हो ।
लिग चरणको अन्तिम खेलमा टिसी स्पोर्टसले क्लब ईगलसंग ४–४ गोलको बराबरी खेलेको थियो । लिग विजेता टिसीले १५ खेलबाट ३९ अंक जोडेको थियो ।
