काठमाडौं । कागेश्वरी मनोहरा यु–१६ टी - २० सान क्रिकेट कप २०७२ को सेमिफाईनल समिकरण पुरा भएको छ । सेमिफाईनलमा ओएसिस र ग्रेट हिमालयन तथा सैनिक आवाशिय बिद्यालय र नेक्सस क्रिकेट एकेडेमीले स्थान पक्का गरे ।
बिहिबार किर्तिपूर क्रिकेट मैदानमा भएको पहिलो क्वाटरफाईनल खेलमा सैनिक आवाशिय बिद्यालयले एन्जल्स एकेडेमीमाथी १०४ रनको बिशाल अन्तरको जित निकाल्दै सेमिफाईनल प्रवेश गर्यो । टस जितेर सैनिकलाई ब्याटिङ्ग गर्न आमन्त्रण गरेको एन्जल्सले १३८ रन प्रदान गर्यो । सैनिकले २० ओभरमा ७ विकेटको क्षतीमा उक्त रन जोडेको थियो ।
आज भएको दोस्रो क्वाटरफाईनलमा नेक्सस क्रिकेट एकेडेमीले बालुवाटार क्रिकेट एकेडेमी माथि ८८ रनको जित निकाल्यो । टस जितेर ब्याटिङ्ग गरेको नेक्ससले ६ विकेटको क्षतीमा १३३ रन जोड्यो । जवाफी ब्याटिङ गरेको बालुवाटारले १९.४ ओभरमा अल आउट हुँदै ४५ रन मात्र जोड्न सक्यो ।
प्रतियोगिताको सेमिफाईनल भोली शुक्रबार ८ बजेबाट किर्तिपूर क्रिकेट मैदानमा सुरु हुने छ ।
