एजेन्सी । इटालियन क्लब एसी मिलान र स्पेनिस क्लब रियल बेटीस युईएफए युरोपा लिग फुटबलको नकआउट चरणमा प्रवेश गरेका छन् ।
समूह चरण अन्तर्गत बिहिबार राति भएको खेलमा जित निकाल्दै मिलान र बेटीसले समूह 'एफ' बाट अन्तिम ३२ को यात्रा तय गरेका हुन् ।
घरेलु मैदानमा मिलानले बिहिबार राति लक्समबर्ग मिन्नोजलाई ५ - २ गोल अन्तरले पराजित गर्यो । यस्तै बेटीसले ओलम्पियाकोसलाई १ - ० ले पाखा लगाएको थियो ।
![AC Milan scored four goals in a 15-minute spell as Fabio Borini's strike sealed a nervy win](https://i.dailymail.co.uk/1s/2018/11/29/22/6816124-0-image-m-15_1543531784569.jpg)
जितसंगै यस समूहमा बेटीस ५ खेलबाट ११ अंक जोडेर शीर्ष स्थानमा छ । यस्तै १० अंक जोडेको मिलान दोस्रो स्थानमा छ । दुवैले एक खेल बाँकी रहदै नकआउट चरणको यात्रा तय गरेको हो ।
यस्तै समूह 'एच' बाट फ्रान्कफर्ट र लाजियोले नकआउट चरणमा स्थान पक्का गरेका छन् ।