एजेन्सी । इंग्लिश क्लब म्यानचेस्टर युनाइटेडका गोल किपर डेभिड डी जियाले क्लबसंगको अनुबन्ध सम्झौता नवीकरण गर्ने भएका छन् । स्पेनिस गोल किपर डी जियाले युनाइटेडसंग एक बर्षेको लागि अनुबन्ध नवीकरण गर्ने भएका हुन् ।
अन्तर्राष्ट्रिय समचार संस्थाको अनुसार क्लबसंग सम्झौता नवीकरण गर्न डी जिया सहमत भएका छन् । सम्झौता नवीकरण गर्न सहमत भएसंगै डी जिया सन् २०२० सम्म युनाइटेडमै रहने छन् । २८ बर्षिय डी जियाको अनुबन्ध यसै सिजनको अन्तिममा सकिदै थियो । तर, युनाइटेडले अनुबन्ध नसकिदै डी जियासंग सम्झौता नवीकरण गर्न लागेको हो ।
स्पेनको पहिलो रोजाईका गोल किपर डी जिया सन् २०११ मा एट्लेटिको मड्रिडबाट युनाइटेड आएका थिए । उनले सन् २०१५ मा युनाइटेडसंग चार बर्षको लागि सम्झौता नवीकरण गरेका थिए ।
