काठमाडौ । प्रधानसेनापति अन्तराष्ट्रिय महिला फुटबल प्रतियोगिताको उपाधि भिडन्तको खेल आज (बुधबार) हुदैछ । छैटौ संस्करणको प्रतियोगिताको उपाधिका लागि आज विभागीय टिम आर्मी र एपीएफले प्रतिस्पर्धा गर्न लागेका छन् ।
सेमिफाईनलको खेलमा एपीएफले पुलिसलाई ३–० ले पराजित गर्दै फाईनल यात्रा तय गरेको थियो । अर्को खेलमा आर्मीले प्रदेश नम्बर २ लाई ४–० ले हराउँदै एपीएफसंग उपाधि भिडन्त पक्का गरेको हो ।
खेल आर्मी मुख्यालय भद्रकालीस्थित मैदानमा दिउँसो १ बजे सुरु हुनेछ । पाँचौ संस्करणको उपाधि विभागीय टिम एपीएफले जितेको थियो ।
घरेलु फुटबलमा महिला प्रतियोगिता नहुदाँ नेपाल आर्मीले प्रतियोगिताको सुरुवात गरेको हो । हप्ता दिनमा सकिने लिगलाई छाडेर महिला फुटबलरले खेल्ने प्रधानसेनापति कप अर्को प्रतियोगिता हो ।
