काठमाडौं । युएईमा जारी टी-१० क्रिकेट लिग अन्तर्गत नेपाली राष्ट्रिय टोलीका सदस्य सन्दीप लामिछाने रहेको केरला नाइट्सले चौथो खेलमा अहिले पन्जाबी लिजेन्ड्ससंग प्रतिस्पर्धा गरिरहेको छ ।
सारजाहमा केरलाले टस जितेर पहिले फिल्डिङ रोजेको छ । केरलाविरुद्ध पन्जाबीले ब्याटिङ गरिरहेको छ । तर, नेपालका लेग स्पिनर सन्दीप चौथो खेलमा विकेट बिहिन बनेका छन् ।
पन्जाबीविरुद्ध सन्दीप निकै महंगा साबित भए । अघिल्ला तीन खेलमा ६ विकेट लिएका सन्दीपले चौथो खेलमा जादु देखाउन सकेनन् । उनले २ ओभरमा २८ रन खर्चिए ।
यसअघि सन्दीपले पहिलो खेलमा पख्तुनविरुद्ध २ ओभर बलिङ गर्दै १७ रन खर्चेर ३ विकेट लिएका थिए । र, उनी प्लेयर अफ दि म्याच समेत बनेका थिए ।
दोस्रो खेलमा सन्दीपले २ ओभर बलिङ गर्दै १४ रन खर्चिएर १ विकेट लिएका थिए । तेस्रो खेलमा सन्दीपले राजपुट्सविरुद्ध २ ओभर बलिङ गर्दै २३ रन खर्चेर २ विकेट लिएका थिए ।
