एजेन्सी । कोपा लिबर्टाडोरेस अन्तर्गत दोस्रो लेगको खेल पुन रद्व गरिएको छ । प्रतियोगिताको दोस्रो लेगमा भिड्न लागेको बोका जुनियर्स र रिभर प्लेटबीचको खेल पुन रद्व गरिएको हो ।
दुई टोलीबीच शनिबार हुने खेल अगाडी दंगा मच्चिएपछि पहिलो पटक खेल रद्व गरिएको थियो ।
बोका जुनियर्सको टिम रहेको बसमा रिभर प्लेटका प्रशंसकले आक्रमण गरेका थिए । आक्रमण लगत्तै खेललाई स्थगित गर्दै २४ घण्टा पछाडी सारिएको थियो । तर खेल सुरु हुन तीन घण्टा अगाडी पुन खेललाई स्थगित गरिएको छ ।
रोकिएको खेल पुन खेलाउने बिषयमा अहिलेसम्म निर्णय भएको छैन ।
बोकाले पहिलो लेगको खेल २–२ गोलको बराबरी खेलेको थियो । क्लबले घटनाको बिषयमा आवश्यक कारबाही गर्न दक्षिण अमेरिकी फुटबल महासंघसंग आग्रह गरेको थियो ।
पहिलो पटक महादेशीय क्लब फुटबलको फाईनलमा एउटै देश अर्जेन्टिनाका दुई टोली भिड्न लागेका थिए । कोपा लिबर्टाडोरेसलाई युरोपेली क्लब च्याम्पियन्स लिगसंग तुलना गरिन्छ ।