एजेन्सी । फ्रान्सेली क्लब मोनाकोका प्रशिक्षक थिएरी हेनरीले पहिलो जित दर्ता गरेका छन् । लिग वान अन्तर्गत काएनविरुद्वको खेलमा प्रशिक्षक हेनरीले पहिलो जित हात पारेका हुन् ।
शनिबार राति मोनाकोको जितमा राडामेल फाल्काओले फ्रिकिकमा उत्कृष्ट गोल गर्न सफल भए । ५४ औ मिनेटमा फाल्काओले गरेको गोल मोनाकोलाई ३ अंक दिलाउन पर्याप्त रह्यो ।
२०१७ को सिजनको च्याम्पियन मोनाकोले अगष्ट ११ यता जित निकाल्न सकेको छैन । हेनरीको नेतृत्वमा मोनाकोले पछिल्ला ६ हप्तामा दुई बराबरी र चार खेल गुमाएको थियो ।
प्राप्त जितले मोनाको रेलिगेशन क्षेत्रबाट माथि उठ्न सकेको छैन । तर आर्सनल तथा फ्रान्सका लिजेण्डमाथिको दबाब भने केही कम भएको छ । मोनाको १९ खेलबाट १० अंक सहित तालिकाको १९ औ स्थानमा छ ।
लियोनार्दो जर्दिमलाई मोनाकोले बर्खास्त गरेपछि बेल्जियमको सहायक प्रशिक्षकमा काम गरेका हेनरीलाई क्लबको जिम्मेवारी दिईएको थियो ।