एजेन्सी । स्पेनिस ला लिगा फुटबलमा शीर्ष स्थानको बार्सिलोना बराबरीमा रोकिएको छ । शनिबार राति भएको खेलमा बार्सिलोना एट्लेटिको मड्रिडसंग १ - १ गोलको बराबरीमा रोकिएको हो ।
एट्लेटिकोको घरेलु मैदानमा अन्तिम समयमा गोल गर्दै बार्सिलोनाले अंक बाडेको हो । पहिलो हाफ गोलरहित बराबरीमा सकिएको खेलको दोस्रो हाफमा घरेलु टोलीले सुरुवाती अग्रता बनाएको थियो ।
![Costa's goal broke the deadlock during a tense encounter between the title contenders at Wanda Metropolitano](https://i.dailymail.co.uk/1s/2018/11/24/21/6598728-6425201-image-m-39_1543095165121.jpg)
खेलको ७७ औं मिनेटमा डिएगो कोष्टाले गोल गर्दै एट्लेटिकोलाई सुरुवाती अग्रता दिलाएका थिए । तर, बार्सिलोनाका लागि ओसुमाने डेम्बेले नायक बने । खेलको अन्तिम समय ९० औं मिनेटमा डेम्बेलेले गोल गर्दै बार्सिलोनालाई हारबाट जोगाएका हुन् । घरेलु टोलीले भने अन्तिम समय सम्हालिन नसक्दा एक अंकमा चित्त बुझाएको छ ।
यो बराबरीसंगै बार्सिलोनाले शीर्ष स्थानको दुरी फराकिलो बनाउने मौका गुमाएको छ । बराबरीपछि शीर्ष स्थानमा रहेको बार्सिलोनाले १३ खेलबाट २५ अंक जोडेको छ । दोस्रो स्थानको एट्लेटिको बार्सिलोनाभन्दा एक अंकले पछि छ । एट्लेटिकोको १३ खेलबाट २४ अंक छ ।
![Barcelona star Lionel Messi finds himself surrounded by Atletico Madrid players during the La Liga clash](https://i.dailymail.co.uk/1s/2018/11/24/20/6597102-0-image-m-22_1543090174771.jpg)
ला लिगा अन्तर्गत नै अर्को खेलमा भ्यालेन्सियाले रायो भालेकानोलाई ३ - ० ले पराजित गर्दा हुएस्का र लेभान्टेले २ - २ गोलको बराबरी खेल्दै अंक बाडेका छन् ।