एजेन्सी । इंग्लिश प्रिमियर लिग फुटबलमा टोटेनहम हट्स्परले चेल्सीलाई पराजित गरेको छ । शनिबार राति भएको खेलमा टोटेनहमले चेल्सीलाई ३ - १ गोल अन्तरले पराजित गरेको हो ।
घरेलु मैदानमा टोटेनहमलाई जित दिलाउन डेली अली, ह्यारी केन र सन ह्युङ मिनले एक एक गोल गरे । चेल्सीका ओलिभर जेरुडले एक गोल फर्काएपनि हार टार्न सकेनन् ।
![Chelsea's unbeaten start to the Premier League season came crashing down as they were brushed aside by Tottenham](https://i.dailymail.co.uk/1s/2018/11/24/18/6594952-6424803-image-m-124_1543084376723.jpg)
चेल्सीविरुद्ध सनसनीपूर्ण जित निकाल्ने क्रममा अलीको गोलबाट आठौं मिनेटमा टोटेनहमले सुरुवाती अग्रता बनाएको थियो । खेलको १६ औं मिनेटमा केनले गोल गर्दा पहिलो हाफमा टोटेनहमले पहिलो हाफमा २ - ० को अग्रता बनायो ।
खेलको ५४ औं मिनेटमा सन मिनले गोल गर्दै टोटेनहमलाई ३ - ० को अग्रता दिलाए । खेलको ८५ औं मिनेटमा चेल्सीका जेरुडले गोल गर्दै खेल ३ - १ को स्थितिमा ल्याए । त्यसपछि चेल्सीले थप गोल गर्न सकेनन् र खेल टोटेनहमलाई ३ - १ ले सुम्पिएको थियो ।
![Harry Kane doubled the hosts' lead 10 minutes later with an effort from distance that left Kepa Arrizabalaga motionless](https://i.dailymail.co.uk/1s/2018/11/24/17/6594028-6424803-image-a-98_1543081769933.jpg)
यो जितसंगै टोटेनहम लिगको तेस्रो स्थानमा उक्लिएको छ । टोटेनहमले १३ खेलबाट ३० अंक जोड्दै चेल्सीलाई पछि पारेर तेस्रो स्थानमा उक्लिएको हो । १३ खेलबाट २८ अंक जोडेको चेल्सी चौथो स्थानमा छ ।
लिगमा ३५ अंक जोडेको म्यानचेस्टर सिटी शीर्ष, ३३ अंक जोडेको लिभरपुल दोस्रो स्थानमा छ ।
![](https://i.dailymail.co.uk/1s/2018/11/24/18/6594960-6424803-image-m-126_1543084410390.jpg)