एजेन्सी । इटालियन सिरी 'ए' फुटबलमा साबिकको विजेता युभेन्ट्सले अपराजित यात्रा कायम राखेको छ ।
शनिबार राति सोसिएटा पोलिसपोर्टिभा आर्स एट लेबर (एसपीएएल) लाई २ - ० ले पराजित गर्दै युभेन्ट्सले अपराजित यात्रा कायम राखेको हो ।
घरेलु मैदानमा युभेन्ट्सलाई जित दिलाउन क्रिस्टियानो रोनाल्डो र मारियो मान्डजुकिकले एक एक गोल गरे ।
एसपीएएलविरुद्ध रोनाल्डोले २९ औं मिनेटमा गोल गर्दै युभेन्ट्सलाई सुरुवाती अग्रता दिलाए । योसंगै रोनाल्डोले लिगमा ९ गोल पुरा गर्न सफल भएका छन् ।
![Mario Mandzukic netted the second after half-time to send Juve nine points clear at the top](https://i.dailymail.co.uk/1s/2018/11/24/19/6596186-0-image-a-68_1543087759515.jpg)
त्यसपछि खेलको ६० औं मिनेटमा मान्डजुकिकले गोल गर्दै युभेन्ट्सलाई २ - ० को जित दिलाए ।
जितसंगै शीर्ष स्थानको युभेन्ट्सले लिगमा ९ अंकको अग्रता बनाएको छ । युभेन्ट्सले १३ खेलबाट ३७ अंक जोडेको छ । दोस्रो स्थानको इन्टर मिलानको २८ अंक छ । पराजित एसपीएएल १३ अंक जोडेर १५ औं स्थानमा छ ।
शनिबार राति फ्रोसिनओनलाई ३ - ० ले पराजित गर्दै इन्टर दोस्रो स्थानमा उक्लिएको हो ।
![He ghosted in at the back post to convert Miralem Pjanic's free-kick from the right](https://i.dailymail.co.uk/1s/2018/11/24/19/6596178-0-image-a-73_1543087873213.jpg)