काठमाडौं । अस्टिम केयर नेपाल सोसाइटीका लागि फन्ट जम्मा गर्ने उदेश्यले भएको च्यारिटी क्रिकेट खेलमा जोन्टी-११ टिम विजयी भएको छ ।
टियु क्रिकेट मैदानमा शनिबार भएको खेलमा दक्षिण अफ्रिकाका पुर्व क्रिकेटर जोन्टी रोड्सको टिमले नेपाली राष्ट्रिय टोलीका कप्तान पारस खड्काको पारस-११ लाई १ विकेटले पराजित गरेको हो ।
पारस-११ ले दिएको २१० रनको लक्ष्य जोन्टी-११ ले १९ ओभरमा ९ विकेट गुमाएर पुरा गर्यो ।
यसअघि पारस-११ ले पुरै २० ओभरमा ८ विकेट गुमाएर २०९ रनको योगफल तयार गरेको थियो ।
दक्षिण अफ्रिकाका पुर्व क्रिकेटर रोड्स 'राइज अफ द क्रिकेटिङ स्टार्स वीथ जोन्टी रोड्स' कार्यक्रमका लागि नेपाल आएका हुन् ।
रोड्सलाई नेपाल क्रिकेट स्कुल र स्पोर्ट्स एड प्रालिले नेपाली युवा क्रिकेट खेलाडीलाई प्रशिक्षण दिन नेपाल ल्याएको हो ।
