एजेन्सी । स्पेनिस ला लिगा फुटबल अन्तर्गत आज (शनिबार) विभिन्न ४ खेलहरु संचालन हुँदैछ । आज बार्सिलोना, रियल मड्रिड, एट्लेटिको मड्रिड लगायतका टोलीले प्रतिस्पर्धा गर्दैछन् ।
ला लिगामा आज साबिकको विजेता तथा शीर्ष स्थानको बार्सिलोनाले तेस्रो स्थानको एट्लेटिको मड्रिडसंग प्रतिस्पर्धा गर्दैछ । एट्लेटिकोको मैदानमा हुने खेल नेपाली समय अनुसार राति १:३० मा सुरु हुनेछ ।
एट्लेटिको र बार्सिलोनाबीचको खेल निकै रोमान्चक हुने देखिन्छ । आज बार्सिलोना आफ्नो जितको यात्रालाई कायम राख्न चाहन्छ । एट्लेटिको भने बार्सिलोनालाई हराएर शीर्ष स्थानमा उक्लन चाहन्छ ।
लिगमा बार्सिलोनाले १२ खेलबाट २४ अंक जोडेको छ । एट्लेटिकोको २३ अंक छ ।
ला लिगा अन्तर्गत नै आज रियल मड्रिडले इबरसंग खेल्दैछ । इबरको मैदानमा हुने खेल बेलुका ५:४५ मा सुरु हुनेछ ।
आज रियल इबरलाई हराएर अंक तालिकामा सुधार गर्न चाहन्छ । छैटौं स्थानको रियलले १२ खेलबाट २० अंक जोडेको छ ।
इबर १५ अंक जोडेर लिगको १३ औं स्थानमा छ ।
लिग अन्तर्गत नै आज भ्यालेन्सियाले रायो भालेकानो तथा हुएस्काले लेभान्टेसंग खेल्दैछ ।
