एजेन्सी । अन्तर्राष्ट्रिय मैत्रीपूर्ण खेलमा वेल्स पराजित भएको छ । मंगलबार राति भएको खेलमा वेल्सलाई अल्बानियाले १ - ० ले पराजित गरेको हो ।
अल्बानियाको घरेलु मैदानमा भएको खेलमा पाएको मौका सदुपयोग गर्न नसक्दा वेल्स स्तब्ध बनेको हो । अल्बानियाका लागि बेकिम बालाजले निर्णायक गोल गरे ।
पहिलो हाफ गोलरहित बराबरीमा सकिएको खेलको ५८ औं मिनेटमा बालाजले पेनाल्टीमा गोल गर्दै अल्बानियालाई जित दिलाए ।
खेल अवधिभर बल पोजिसनमा पकड जमाएपनि वेल्सले गोल गर्न सकेन । उसका स्टार स्ट्राइकर ग्यारेथ बेल, आरोन रामसे जस्ता खेलाडीले गोल गर्न सकेनन् ।
वेल्स यसै साता नेसन्स लिगमा डेनमार्कसंग पराजित भएको थियो । र, वेल्स लिग 'बि' बाट बढुवा हुन असफल भएको थियो ।
-1736475046.jpg)
