एजेन्सी । अन्तर्राष्ट्रिय मैत्रीपूर्ण खेलमा अर्जेन्टिनाले मेक्सिकोलाई पराजित गरेको छ । बुधबार भएको खेलमा अर्जेन्टिनाले मेक्सिकोलाई २ - ० ले पराजित गरेको हो ।
घरेलु मैदानमा अर्जेन्टिनालाई जित दिलाउन माउरो इकार्डी र पाउलो डिबालाले एक एक गोल गरे ।
कप्तान लियोनल मेस्सीबिना मैदान उत्रिएको अर्जेन्टिनाले दुवै हाफमा एक एक गोल गरेको थियो । कप्तान मेस्सीले रुस विश्वकप पछि अर्जेन्टिनाको टिमबाट खेलेका छैनन् ।
अर्जेन्टिनाले खेलको दोस्रो मिनेटमै इकार्डीको गोलबाट अग्रता बनाएको थियो । इरिक लमेराको पासमा इकार्डीले गोल गरेका थिए । उनले यो अर्जेन्टिनाका लागि पहिलो गोल हो ।
त्यसपछि खेलको ८७ औं मिनेटमा डिबालाले गोल गर्दै अर्जेन्टिनालाई २ - ० को सहज जित दिलाए । अर्जेन्टिनाका लागि डिबालाको यो पहिलो गोल समेत हो ।
अन्तर्राष्ट्रिय मैत्रीपूर्ण खेल अन्तर्गत नै बुधबार चिलीले होन्डुरसलाई ४ - १ ले पराजित गरेको छ । चिलीका लागि अर्टुरो भिदालले दुई गोल गर्दा एलेक्सिस सान्चेज र निकोलसले एक एक गोल गरे । होन्डुरसका एलेक्स्जेन्डर लोपेजले एक गोल फर्काए ।
यस्तै कोष्टारिकाले पेरुलाई ३ - २ ले नै पराजित गरेको छ ।
-1736475046.jpg)
