काठमाडौं । पल्सर सहिद स्मारक 'ए' डिभिजन लिग फुटबलमा हिमालयन शेर्पा क्लबले साँघुरो जित निकालेको छ । सोमबार भएको खेलमा हिमालयन शेर्पाले सरस्वती युथ क्लबलाई १ - ० ले हराएको हो ।
हल्चोकस्थित एपीएफ क्लबको मैदानमा हिमालयन शेर्पाका लागि विश्वास श्रेष्ठले निर्णायक गोल गरे ।
विश्वासले खेलको ३० औं मिनेटमा निर्णायक गोल गरेका थिए ।
जितसंगै हिमालयन शेर्पाले २ खेलबाट ४ अंक जोडेको छ । पहिलो खेलमा हिमालयन शेर्पाले एपीएफसंग बराबरी खेलेको थियो ।
सरस्वतीको भने यो लगातार दोस्रो हार हो । पहिलो खेलमा सरस्वती संकटासंग पराजित भएको थियो ।
