एजेन्सी । पोर्चुगल नेसन्स लिग फुटबलको सेमिफाईनलमा प्रवेश गरेको छ । शनिबार राति भएको खेलमा ईटालीसंग गोल रहित बराबरी खेल्दै पोर्चुगल समुह ए थ्रीको शीर्ष स्थानमा उक्लिदै अघिल्लो चरणमा स्थान पक्का गरेको हो ।
घरेलु टोली ईटालीलाई शीर्ष स्थानमा उक्लिने मौका भएपनि उसले पोर्चुगलविरुद्व गोल गर्न भने सकेन । शीर्ष स्थानमा उक्लिन पोर्चुगललाई बराबरीनै पर्याप्त रहेको थियो ।
ईटालीले चार खेलबाट ५ अंक जोडेको छ । पोर्चुगलले ३ खेलबाट ७ अंक जोडेको छ र अन्तिम खेलमा रेलिगेटमा परेको पोल्याण्डसंग आगामी मंगलबार खेल्नेछ ।
पोर्चुगल विश्वकपछि पछिल्ला पाँच खेलमा अपराजित छ ।
