एजेन्सी । अफ्रीका कप अफ नेसन्सको छनोट खेलमा इजिप्टले ट्युनिसियालाई पराजित गरेको छ । मोहमद सलाहले निर्णयक गोल गरेपछि इजिप्टले ट्युनिसियालाई ३ - २ ले हराएको हो ।
इजिप्टमा भएको खेलमा सुरुवाती अग्रता पाहुना टोली ट्युनिसियाले लिएको थियो । खेलको १३ औं मिनेटमा निम स्लिटीले गोल गर्दै ट्युनिसियालाई अग्रता दिलाएका थिए । खेलको ३२ औं मिनेटमा इजिप्टका ट्रेजेगुएटले गोल गर्दै खेल १ - १ को बराबरीमा ल्याए ।
दोस्रो हाफको ६० औं मिनेटमा बहेर इल मोहमादीले गोल गर्दै इजिप्टलाई २ - १ को अग्रता दिलाए । तर, खेलको ७२ औं मिनेटमा ट्युनिसियाका स्लिटीले व्यक्तिगत दोस्रो गोल गर्दै खेल २ - २ को बराबरीमा ल्याए ।
त्यसपछि खेलको अन्तिम समयमा लिभरपुलका फरवार्ड सलाह नायक बने । खेलको ९० औं मिनेटमा सलाहले गोल गर्दै इजिप्टलाई ३ - २ को जित दिलाए ।
जितसंगै समूह 'जे' मा रहेको इजिप्टले ५ खेलबाट १२ अंक जोडेको छ । इजिप्ट दोस्रो स्थानमा छ । पराजित ट्युनिसिया ५ खेलबाट १२ अंक जोडी गोल अन्तरमा अघि रहदै शीर्ष स्थानमा छ ।
यस समूहबाट इजिप्ट र ट्युनिसियाले अफ्रीका कप अफ नेसन्समा स्थान पक्का बनाईसकेका छन् ।
-1736389050.jpg)
