एजेन्सी । युईएफए नेसन्स लिग फुटबलमा नेदरल्याण्डले विश्वकप विजेता फ्रान्सलाई पराजित गरेको छ । शुक्रबार राति भएको खेलमा नेदरल्याण्डले फ्रान्सलाई २ - ० ले हराएको हो ।
घरेलु मैदानमा नेदरल्याण्डलाई जित दिलाउन जर्जिनियो विज्नाल्डम र मेम्फिस डिपेले एक एक गोल गरे ।
पहलो हाफको ४४ औं मिनेटमा विज्नाल्डमको गोलबाट नेदरल्याण्डले अग्रता बनाएको थियो । त्यसपछि खेलको इन्जुरी समयमा पाएको पेनाल्टीमा डिपेले गोल गर्दै नेदरल्याण्डलाई २ - ० को जित दिलाए ।
घरेलु टोलीविरुद्ध फ्रान्सले गोल गर्ने मौका पाए पनि सदुपयोग गर्न सकेनन् ।
यो जितसंगै समूह 'ए' लिग १ को नेदरल्याण्डले ३ खेलबाट ६ अंक जोडेको छ । नेदरल्याण्ड दोस्रो स्थानमा छ । फ्रान्स ४ खेलबाट ७ अंक जोडेर शीर्ष स्थानमा छ ।
यस समूहमा १ अंक जोडेको जर्मनी पुछारमा छ । नेदरल्याण्डको जितसंगै जर्मनी रेलिगेसनमा परेको छ ।
-1736389050.jpg)
