एजेन्सी । अन्तर्राष्ट्रिय मैत्रीपूर्ण खेलमा जर्मनीले रुसलाई पराजित गरेको छ । बिहिबार राति भएको खेलमा जर्मनीले रुसलाई ३ - ० ले पराजित गरेको हो ।
घरेलु मैदानमा लोरी सानेले जर्मनीका लागि पहिलो गोल गरेको खेलमा जर्मनीले सहज जित निकालेको हो । यस्तै जर्मनीका थप गोल निकलास सुले र सेर्गी गनाब्रेले गरे ।
रुसविरुद्ध जर्मनीले खेलको आठौं मिनेटमा सानेको गोलबाट अग्रता बनाएको थियो । २२ बर्षीय मिडफिल्डर सानेको यो गोल जर्मनीको सिनियर टोलीका लागि पहिलो गोल हो । सानेले जर्मनीबाट १६ खेलमा पहिलो गोल गरेका हुन् ।
यस्तै खेलको २४ औं मिनेटमा सुलेले गोल गर्दै जर्मनीलाई २ - ० को अग्रता दिलाए । त्यसपछि खेलको ४० औं मिनेटमा सेर्गीले गोल गर्दै जर्मनीलाई पहिलो हाफमा ३ - ० को अग्रता दिलाए ।
दोस्रो हाफमा दुवै टोलीले गोल गर्न सकेनन् र खेल जर्मनीले ३ - ० ले आफ्नो बनायो ।
युईएफए नेसन्स लिग खेलिरहेका दुई टोलीले अभ्यासका लागि मैत्रीपूर्ण खेल खेलेका हुन् ।
-1736389050.jpg)
