बेल्जियमको जितमा बासुआईको दुई गोल

गृहपृष्ठ
फुटबल

शुक्रबार, कात्तिक ३०, २०७५ खेलपाटी संवाददाता

एजेन्सी । युईएफए नेसन्स लिग फुटबलमा बेल्जियमले लगातार तेस्रो जित निकालेको छ । लगातार तेस्रो जित निकाल्ने क्रममा बिहिबार राति भएको खेलमा बेल्जियमले आइसल्याण्डलाई २ - ० ले हराएको हो ।

घरेलु मैदानमा भएको खेलमा बेल्जियमका लागि दुवै गोल मिसी बासुआईले गरे । पहिलो हाफ गोल रहित बराबरीमा सकिएको खेलको दोस्रो हाफमा बासुआईले दुई गोल गरेका थिए ।

खेलको ५६ औं मिनेटमा बासुआईले गोल गर्दै बेल्जियमलाई सुरुवाती अग्रता दिलाएका थिए । त्यसपछि खेलको ८१ औं मिनेटमा बासुआईले व्यक्तिगत दोस्रो गोल गर्दै बेल्जियमलाई २ - ० को जित दिलाए ।

जितसंगै बेल्जियम समूहको शीर्ष स्थानमा उक्लिएको छ । लिग 'ए' समूह २ मा रहेको बेल्जियमले ३ खेलमा ९ अंक जोडेको छ ।

यस समूहमा ३ खेलबाट ६ अनक जोडेको स्विजरल्याण्ड दोस्रो र अंक बिहिन आइसल्याण्ड पुछारमा छ ।