एजेन्सी । प्रिमियर लिग क्लब म्यान्चेष्टर युनाईटेडका खेलाडी पाउल पोग्बा र एन्थोनी मार्सियलले फ्रान्सेली फुटबल टिमबाट नाम फिर्ता लिएका छन् । नेदरल्याण्ड र उरुग्वेविरुद्धको खेल अगाडी दुवै खेलाडीले नाम फिर्ता लिएका हुन् । साथै म्यान्चेष्टर सिटीका बेन्जामिन मेन्डेले समेत दुवै खेल गुमाउनेछन् ।
चोटका कारण पोग्बाले गत आईतबार म्यान्चेष्टर डर्बी गुमाएका थिए । हिपमा समस्या देखिएपछि मार्सियलले समेत टिमबाट नाम फिर्ता लिएका हुन् । उनीहरुको स्थानमा आर्सनलका फरवार्ड एलेक्जेन्डर लाकाजेट र टोटेनहमका मिडफिल्डर मौसा सिसोकोलाई बोलाईएको छ ।
मुख्य प्रशिक्षक डिडियर डेसच्याम्सले गत हप्ता पोग्बा सहित मार्सियललाई टिममा बोलाएका थिए । फ्रान्सले नेसन्स लिग अन्तर्गत नेदरल्याण्डसंग खेल्दैछ । त्यस अगाडी उसले उरुग्वेसंग मैत्रिपुर्ण खेल खेल्दैछ ।
-1736344782.jpeg)
