एजेन्सी । फ्रेन्च लिग वान फुटबलमा शीर्ष स्थानको पेरिस सेन्ट जर्मेन (पिएसजी) ले फराकिलो जित निकालेको छ । आइतबार राति भएको खेलमा पिएसजीले मोनाकोलाई ४ - ० ले हराएको हो ।
पिएसजीले मोनाकोलाई उसैको घरेलु मैदानमा हराएको हो । पिएसजीको जितमा एडिनसन काभानीले ह्याट्रिक गरे । यस्तै नेयमारको नाममा एक गोल रह्यो ।
खराब लयमा गुज्रिरहेको मोनाकोविरुद्ध काभानीले चौथो मिनेटमै गोल गर्दै पिएसजीलाई अग्रता दिलाएका थिए । ११ औं मिनेटमा काभानीले व्यक्तिगत दोस्रो गोल गर्दै पिएसजीलाई २ - ० को अग्रता दिलाए ।
त्यसपछि खेलको ५३ औं मिनेटमा काभानीले व्यक्तिगत तेस्रो तथा ह्याट्रिक गोल पुरा गर्दा पिएसजी ३ - ० ले अघि रह्यो । खेलको ६४ औं मिनेटमा नेयमारले पेनाल्टीमा गोल गर्दै पिएसजीलाई ४ - ० को जित दिलाए ।
जितसंगै पिएसजीले १३ खेलबाट ३९ अंक जोडेको छ । र, पिएसजीले उपाधि यात्रा बलियो बनाउदै लगेको छ ।
मोनाकोको भने यो सिजन खराब प्रदर्शन जारी रहेको छ । १३ खेल सकिदा मोनाको रेलिगेसन जोनमा रहेको छ । मोनाको ७ अंक जोडेर पुछारबाट दोस्रो स्थानमा छ । मोनाकोको यो लिगमा आठौं हार हो ।
-1736344782.jpeg)
