एजेन्सी । इंग्लिश प्रिमियर लिग फुटबलमा आर्सनल बराबरीमा रोकिएको छ । आइतबार राति भएको खेलमा आर्सनल वुल्भ्ससंग १ - १ गोलको बराबरीमा रोकिएको हो ।
घरेलु मैदानमा सब्सिच्युड खेलाडी हेनरिक मिखितार्यान चम्कदा आर्सनल हारबाट जोगिएको हो । बल पोजिसनमा पकड जमाएपनि आर्सनल पहिलो हाफमै १ - ० ले पछि परेको थियो ।
इमिरेट्स स्टेडियममा खेलको १८ औं मिनेटमा इभान काभालिरोले गोल गर्दै वुल्भ्सलाई १ - ० को अग्रता दिलाए । तर, खेलको अन्तिम एक मिनेट बाँकी रहदा मिखितार्यानले गोल गर्दै आर्सनललाई हारबाट जोगाए । मिखितार्यानले खेलको ८९ औं मिनेटमा गोल गरेका थिए । मिखितार्यान खेलको ७६ औं मिनेटमा मैदान छिरेका थिए ।
यो बराबरीसंगै आर्सनलले शीर्ष क्लबहरुसंगको अंक दुरी घटाउने मौका गुमाएको छ । पाँचौ स्थानमा रहेको आर्सनलको १२ खेलबाट २४ अंक रहेको छ । १६ अंक जोडेर वुल्भ्स ११ औं स्थानमा छ ।
-1736344782.jpeg)
