एजेन्सी । इंग्लिश प्रिमियर लिग फुटबलमा चेल्सी बराबरीमा रोकिएको छ । आइतबार भएको खेलमा चेल्सी एभर्टनसंग गोलरहित बराबरीमा रोकिएको हो ।
घरेलु मैदानमा पाएको मौका सदुपयोग गर्न नसक्दा चेल्सीले अंक बाड्नु परेको हो । एभर्टनका गोल किपर जोर्डन पिकफोर्ड नायक बनेपछि चेल्सीले अंक गुमाउनु परेको हो । खेलमा चेल्सीले एभर्टनको पोष्टमा आधा दर्जन बढी आक्रमण गरेपनि पिकफोर्डले विफल तुल्याएका थिए ।
यो बराबरीसंगै चेल्सीले शीर्ष स्थानको लिभरपुलसंग अंक बराबरी गर्ने मौका गुमाएको छ । चेल्सीको यो सिजनको चौथो बराबरी हो । एभर्टनसंगको बराबरीपछि तेस्रो स्थानको चेल्सीले १२ खेलबाट २८ अंक जोडेको छ ।
लिगमा ३० अंक जोडेको लिभरपुल शीर्ष स्थानमा रहदा २९ अंक जोडेको म्यानचेस्टर सिटी दोस्रो स्थानमा छ । एभर्टन १९ अंक जोडेर लिगको नवौं स्थानमा रहेको छ ।
-1736344782.jpeg)
