एजेन्सी । इंग्लिश प्रिमियर लिग फुटबलमा आज (शनिबार) विभिन्न ६ खेलहरु संचालन हुँदैछ ।
प्रिमियर लिगको १२ औं चरणको खेल अन्तर्गत आज टोटेनहम, लेष्टर सिटी, बर्नेमाउथ लगायतका क्लबहरुले प्रतिस्पर्धा गर्दैछन् ।
प्रिमियर लिगको चौथो स्थानमा रहेको टोटेनहमले क्रिष्टल प्यालेससंग उसैको मैदानमा खेल्दैछ । दुई टोलीबीचको खेल नेपाली समय अनुसार राति ११:१५ मा सुरु हुनेछ ।
आज टोटेनहम जित निकाल्दै तेस्रो स्थानमा उक्लने लक्ष्यसहित मैदान उत्रनेछ । यस्तै क्रिष्टल टोटेनहमलाई हराएर लिगको तालिकामा सुधार गर्न चाहन्छ ।
यस्तै लेष्टर सिटीले घरेलु मैदानमा बर्नलीसंग प्रतिस्पर्धा गर्नेछ । लेष्टर र बर्नलीबीचको खेल ८:४५ मा सुरु हुनेछ ।
यसै समयमा प्रिमियर लिगमा अन्य तीन खेलहरु पनि हुनेछ । जसमा हडर्सफिल्डले वेष्ट ह्याम युनाइटेड, बर्नेमाउथले न्युकासल युनाइटेड र साउथह्याम्पटनले वाट्फोर्डसंग प्रतिस्पर्धा गर्नेछ ।
प्रिमियर लिग अन्तर्गत आज हुने पहिलो खेलमा भने कार्डिफ सिटीले ब्राइटनसंग प्रतिस्पर्धा गर्नेछ । उक खेल ६:१५ मा सुरु हुनेछ ।
-1736261934.jpeg)
-1736248541.jpg)
