एजेन्सी । इंग्लिस प्रिमियर लिग फुटबलमा आज (शनिबार) विभिन्न सात खेलहरु संचालन हुँदैछ । आज लिभरपुल, आर्सनल, म्यानचेस्टर युनाइटेड लगायतका क्लबहरुको प्रतिस्पर्धा हुनेछ ।
प्रिमियर लिगमा आज लिभरपुलले आर्सनलसंग उसैको मैदानमा खेल्नेछ । दुई टोलीबीचको खेल राति ११:१५ मा सुरु हुनेछ।
इमिरेट्स स्टेडियममा दुवै टोली जित निकाल्ने दाउमा हुनेछन् । आर्सनल घरेलु मैदानको फाईदा उठाउदै खेल आफ्नो पहुच पार्ने पक्षमा हुनेछ । लिभरपुल आर्सनललाई उस्कै घरेलु मैदानमा स्तब्ध पार्ने दाउमा हुनेछ ।
लिभरपुल १० खेलबाट २६ अंक जोडेर लिगको दोस्रो स्थानमा छ । आर्सनल २२ अंकका साथ चौथो स्थानमा छ ।
प्रिमियर लिग अन्तर्गत आज हुने पहिलो खेलमा म्यान्चेस्टर युनाइटेडले बर्नेमाउथसंग प्रतिस्पर्धा गर्नेछ । त्यस्तै टोटेनहमले वुल्भ्ससंग खेल्नेछ ।
अन्य खेलमा एभर्टन र ब्राइटन, वेष्ट ह्याम र बर्नली तथा कार्डिफ सिटी र लेष्टर सिटीबीच खेल हुनेछ ।
-(1)-1736156467.jpeg)
