काठमाडौं । साबिकको विजेता भारतलाई पराजित गर्दै बंगलादेश साफ यू–१५ च्याम्पियनसिप फुटबलको फाइनलमा प्रवेश गरेको छ । बिहिबार भएको सेमिफाइनलमा भारतलाई पेनाल्टी सुटआउटमा ४ - २ गोल अन्तरले हराएर बंगलादेश उपाधिनजिक पुगेको हो ।
सातदोबाटोस्थित एन्फा कम्प्लेक्समा पहिलो हाफमा लिएको अग्रता जोगाउन नसक्द भारत पराजित भएको हो । खेलको १७ औं मिनेटमा पट्रे हर्स हैलेसले गोल गर्दै भारतलाई अग्रता दिलाएका थिए । तर, खेलको अतिरिक्त समयमा भारतका खेलाडीले बंगलादेशका खेलाडीलाई लडाएपनि बंगलादेशले पेनाल्टी पाएको थियो ।
उक्त पेनाल्टीमा आशिकुर रहमानले गोल गर्दै खेल १ - १ को बराबरीमा ल्याएका थिए । त्यसपछि थप गोल हुन सकेन र खेल पेनाल्टीमा गएको थियो । पेनाल्टीमा गोलकिपरले उत्कृष्ट प्रदर्शन गरेपछि बंगलादेशले भारतलाई ४ - २ ले हराएर फाइनल यात्रा तय गर्यो ।
अब बंगलादेशले फाइनलमा नेपाल र पाकिस्तानबिचको विजेतासंग खेल्नेछ ।
-(1)-1736156467.jpeg)
