काठमाडौं । एएफसी यु–१९ च्याम्पियनसिपको दोस्रो चरणमा छनोट भएको नेपाली महिला राष्ट्रिय टिम आज स्वदेश फर्किएको छ ।
थाईल्याण्डमा भएको प्रतियोगितामा समुह उपविजेताको रुपमा दोस्रो चरण प्रवेश गरेको नेपाली टिम आज बिहान काठमाडौं फर्किएको छ ।
नेपाली टिमलाई अखिल नेपाल फुटबल संघ एन्फा उपाध्यक्ष उपेन्द्रमान सिंह र केन्द्रिय सदस्य रुपेश अधिकारी लगायतले स्वागत गरेका थिए ।
थाईल्याण्डमा भएको प्रतियोगितामा नेपालले भारत र पाकिस्तानलाई पराजित गर्दै समुह उपविजेताको रुपमा दोस्रो चरणमा प्रवेश गरेको थियो ।
पहिलो खेलमा थाईल्याण्डसंग पराजित भएपनि त्यसपछि लगातार दुई गोलमा जित निकाल्दै नेपाली टोली अघिल्लो चरण प्रवेश गरेको हो ।
