एजेन्सी । इटालियन सिरी 'ए' फुटबलमा इन्टर मिलानले लाजियोलाई पराजित गरेको छ । सोमबार राति भएको खेलमा इन्टरले लाजियोलाई ३ - ० ले हराएको हो ।
लाजियोलाई उसैको मैदानमा हराउन इन्टर मिलानको जितमा माउरो इकार्डीले दुई गोल गरे । त्यस्तै मार्सेलो ब्रोजोभिचले एक गोल थपे ।
पहिलो हाफको २८ औं मिनेटमा इकार्डीले गोल गर्दै इन्टरलाई सुरुवाती अग्रता दिलाए । खेलको ४१ औं मिनेटमा ब्रोजोभिचले गोल गरेपछि पहिलो हाफमा इन्टर २ - ० ले अघि रह्यो ।
दोस्रो हाफमा इन्टरले थप एक गोल गर्यो । खेलको ७० औं मिनेटमा इकार्डीले व्यक्तिगत दोस्रो गोल गर्दै टोलीलाई ३ - ० को जित दिलाए ।
जितसंगै इन्टर लिगको दोस्रो स्थानमा उक्लिएको छ । इन्टरले १० खेलबाट २२ अंक जोडेको छ । लिगको शीर्ष स्थानमा २८ अंक जोडेको युभेन्ट्स र २२ अंक जोडेको नेपोली तेस्रो स्थानमा छ । १८ अंक जोडेको लाजियो चौथो स्थानमा छ ।
