एजेन्सी । म्यान्चेष्टर सिटीका प्रशिक्षक पेप ग्वार्डियलाले प्रिमियर लिगको उपाधि दौडमा पाँच क्लब रहेको बताएका छन् । साविक विजेता समेत रहेका सिटीका प्रशिक्षक ग्वार्डियलाले म्यान सिटीसंगै, टोटनहम, चेल्सी, आर्सनल र लिभरपुल उपाधिको प्रमुख दाबेदार भएको बताए ।
लिग तालिकामा म्यान्चेष्टर सिटी ९ खेलबाट २३ अंक सहित शीर्ष स्थानमा छ । लिभरपुल समान अंक सहित दोस्रो स्थानमा छ । प्रतियोगितामा अपराजित चेल्सी, आर्सनल र टाेटनहम शीर्ष स्थानको क्लब भन्दा मात्र दुई अंकले पछाडी छन् ।
'लिगमा पाँच क्लबको मात्र दुई अंकको फरक देखिएको छ । सबै बलिया छन् । लिभरपुल सधै संगै छ ।' उनले भने, 'गत सिजन दुवै खेलमा हामीले निकै उत्कृष्ट गरेका थियो । तर उनीहरु शीर्ष टिमहरु हुन् ।'
म्यान्चेष्टर सिटीले वेम्वलीको भ्रमण गर्दैछ, टोटनहमसंग प्रिमियर लिगको खेल खेल्न । ग्वार्डियलाले मैदानको अवस्था बुझ्न आफुहरुलाई आवश्यकता रहेको बताएका छन् ।
-1735730225.jpeg)
