एजेन्सी । वेस्ट इन्डिजको अलराउण्डन ड्वेन ब्राभोले अन्तराष्ट्रिय क्रिकेटबाट सन्यासको घोषणा गरेका छन् । ३५ बर्षका खेलाडी ब्रोभोले वेस्ट इन्डिज टिमबाट सन्यासको घोषणा गरेका हुन् ।
वेस्ट इन्डिजका लागि २ सय ७० म्याच खेलेका उनले अन्य फ्रेन्चाईज क्रिकेटलाई भने निरन्तरता दिने बताएका छन् । वेस्ट इन्डिजका ब्राभोले राष्ट्रिय टिमबाट ३ सय ३७ विकेट लिदै ६ हजार ३ सय १० समेत बनाएका छन् ।
‘आज म सम्पुर्ण विश्व क्रिकेटलाई भन्न चाहन्छु, औपचारिक रुपमा मैले सबै ढाँचाको अन्तराष्ट्रिय क्रिकेटबाट सन्यास लिएको छु ।’ उनले बताएका छन् ।
उनले वेस्ट इन्डिजबाट सन् २०१२ मा २०१६ मा विश्व ट्वान्टी २० को उपाधि उचालेका थिए ।
‘चौध बर्ष अगाडी मैले वेस्ट इन्डिजबाट डेब्यु गरेको थियो । म अझै त्यो क्षण सम्झन्छु ।’ उनले थपेका छन् । उनले नयाँ पुस्ताका खेलाडीलाई अवसर दिन आफुले सन्यास लिने समय आएको बताएका छन् । उनले पछिल्लो समय २ बर्ष अगाडी अन्तराष्ट्रिय क्रिकेट खेलेका थिए ।
युएईको अबुधाबीमा पाकिस्तानविरुद्धको खेलमा उनले ८ विकेट लिएका थिए । उनले सन् २०१० मा श्रीलंकाविरुद्ध अन्तिम टेष्ट खेलेका थिए । र सन् २०१४ मा वेस्ट इन्डिजविरुद्व अन्तिम वान डे खेलेका थिए ।
